Codeseda, A Estrada

Codeseda
	Igrexa parroquial.
Concello	A Estrada
Provincia	Pontevedra
Coordenadas	42°37′06″N 8°26′14″O / 42.61833333, -8.43722222
Poboación	378 hab. (2013)
Entidades de poboación	23
	[ editar datos en Wikidata ]

Para outras páxinas con títulos homónimos véxase: Codeseda.

San Xurxo de Codeseda é unha parroquia do concello da Estrada. Segundo o IGE en 2009 tiña 393 habitantes (216 mulleres e 177 homes), distribuídos en 25 entidades, o que supón unha diminución respecto de 1986 cando tiña 628 habitantes. En 1842 tiña unha poboación de feito de 692 persoas.

Patrimonio

A igrexa de San Xurxo de Codeseda é de ábsida pentagonal con arquivoltas semicirculares tóricas unida á nave mediante un corpo rectangular limitado polo arco triunfal e outro arco paralelo que marca o arranque da porción semicircular.

No lugar existiu o mosteiro de Augas Santas, anterior a 1164. Ao seu carón está a casa reitoral e un cruceiro.

A capela da Virxe de Guadalupe, edificada cara a 1748, encóntrase no medio dunha carballeira no lugar da Grela.

A capela de San Brais foi fundada por Francisco Gómez no ano 1670 e sitúase no lugar de Monteagudo. Ó seu carón atópase o Pazo de Monteagudo ou Casa de Ballesteros, catalogado no inventario patrimonial de Galicia.

Na parroquia hai tres castros. O castro das Cercas (GA36017018), situado preto das Quintas; o castro de Trocastrello (GA36017038), tamén coñecido como castro de Ribela, castro de Entrecastrelo, castro de Parada ou castro da Eira dos Mouros; o castro do Outeiro Grande, en Marcenlos, citado na bibliografía de Fermín Bouza-Brey.

Na parroquia hai numerosos hórreos e algunha hórrea.

Festas

Romaría da Virxe da Grela. Celébrase a primeira fin de semana de setembro en honor á Virxe de Guadalupe.

Galería de imaxes

Igrexa de San Xurxo de Codeseda.
Igrexa de San Xurxo de Codeseda.

Lugares e parroquias

Lugares de Codeseda

Lugares da parroquia de Codeseda no concello da Estrada (Pontevedra)
Abragán \| A Agrela \| O Arnado \| Barro \| As Bouzas \| Bugalleira \| Campos \| O Codesal \| Codeseda \| O Coto \| Os Currelos \| A Devesa \| Filgueiras \| Fontenlo \| Fragoso \| Insuela \| Marcenlos \| Monteagudo \| O Outeiro \| A Portela \| As Quintas \| A Sagrada \| Vilaboa \| Xubrei

Parroquias da Estrada

Galicia | Provincia de Pontevedra | Parroquias da Estrada

Notas

↑ ^1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.

Véxase tamén

Bibliografía

Cabeza Quiles, Fernando (2019). Toponimia da Estrada (PDF). RAG - Asociación Galega de Onomástica. ISBN 978-84-947823-6-7. Arquivado dende o orixinal (PDF) o 12 de abril de 2019. Consultado o 14 de abril de 2019.

Outros artigos

Lugares da Estrada

Ligazóns externas

[nomenclátor-1] 1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.

[1]